दिनांक 14 मे रविवारी दुपारी तीन वाजता चामोर्शी तालुक्यातील आष्टी येथे आलापल्ली चंद्रपूर मार्गावर वनविभागाच्या तपासणी नाक्या समोर लोहखनिज वाहतूक करणाऱ्या खाजगी ट्रकच्या चाकाखाली चिरडून बारा वर्षीय मुलीचा जागीच मृत्यू झाला.
मृतक मुलीचे नाव सोनाक्षी मसराम वय 12 वर्ष असल्याची प्राथमिक माहिती आहे.
मृतक मुलगी आपल्या मामासोबत दुचाकी ने आष्टीवरून गोंडपिपरी कडे जाताना वनविभागाच्या तपासणी नाक्यासमोर दुचाकी घसरली यात दुचाकीवरून मृतक मुलगी आणि तिचा मामा खाली पडले एवढ्यात मागून बल्लारशाकडे लोहखनिज घेईन जाणाऱ्या ट्रकच्या चाकाखाली मृतक मुलगी चिरडल्या गेली यात तिचा जागीच मृत्यु झाला. घटनेची माहिती होताच आष्टी पोलिस स्टेशनचे पोलिस उपनिरीक्षक गणेश जंगले आपल्या पोलिस कर्मचारी व टायगर ग्रुप,आष्टीचे सदस्य घटनास्थळी दाखल झाले व मृतदेह उचलून शववि्छेदनासाठी आष्टी येथील ग्रामीण रुग्णलयात दाखल केले.
