पश्चिम बंगालमधील हिंसाचाराच्या निषेधार्थ गडचिरोली जिल्ह्याभरात भाजपा कार्यकर्त्यांची निदर्शने – जिल्हाध्यक्ष किसन नागदेवे, खासदार अशोक नेते, आमदार डॉ. होळी, आमदार कृष्णाजी गजबे यांची संयुक्त घोषणा

प्रतिनिधी /अंकुश पुरी

गडचिरोली : पश्चिम बंगालमध्ये विधानसभा निवडणुकीच्या निकालानंतर सत्ताधारी तृणमूल काँग्रेसच्या कार्यकर्त्यांनी राज्यभर जबरदस्त हिंसाचार सुरू केला असून भारतीय जनता पार्टीच्या कार्यकर्त्यांचे खून करण्यात येत आहेत. या राजकीय हिंसाचाराचा निषेध करण्यासाठी भाजपाचे कार्यकर्ते  बुधवारी सकाळी ११ वा. जिल्ह्यात ठिकठिकाणी निदर्शने करणार आहेत, अशी घोषणा जिल्हाध्यक्ष किसन नागदेवे, खासदार अशोक नेते, आमदार डॉ होळी, आमदार कृष्णाजी गजबे यांनी संयुक्तपणे केली.
पश्चिम बंगालमध्ये विधानसभा निवडणुकीचा निकाल लागल्यानंतर त्या राज्यात सुडाचे राजकारण चालू झाले आहे. ठिकठिकाणी भाजपा कार्यकर्त्यांवर तृणमूल काँग्रेसचे गुंड हल्ले करत आहेत. भाजपा कार्यकर्त्यांचे खून करणे, त्यांच्या घरांची जाळपोळ करणे, त्यांच्या दुकानांना किंवा व्यवसायाच्या ठिकाणाला आगी लावणे असे प्रकार घडत आहेत. ही लोकशाहीची हत्या आहे. त्याच्या निषेधार्थ भाजपाचे कार्यकर्ते शांततामय निदर्शने करतील. कोरोनाचे नियम पाळून हे आंदोलन होईल. लोकशाहीबद्दल आस्था असलेल्या सर्व नागरिकांनीही या आंदोलनात सहभागी व्हावे.