जिल्ह्यात 3 मृत्यू सह 46 नवे कोरोनाबाधित

 

चंद्रपूर दि. 8 फेब्रुवारी : गत 24 तासात जिल्ह्यात 189 जणांनी कोरोनावर मात केली असून त्या रुग्णांना रुग्णालयातून सुटी देण्यात आली. तसेच 46 नवीन रुग्ण बाधीत झाले आहे. तर मंगळवारी जिल्ह्यात तीन बाधिताचा मृत्यू झाला आहे.

आरोग्य विभागाकडून प्राप्त अहवालानुसार, बाधित आलेल्या रुग्णांमध्ये चंद्रपूर महानगरपालिका क्षेत्रात 10, बल्लारपूर 1, भद्रावती 2, ब्रह्मपुरी 6, नागभीड 9, मुल 1, सावली 2, राजुरा 4, चिमूर 4, वरोरा येथे 7 रुग्ण आढळून आले असून चंद्रपूर, सिंदेवाही, पोंभूर्णा, गोंडपिपरी, कोरपना, जिवती व इतर ठिकाणी बाधित रुग्णांची संख्या शून्य आहे. आज मृत झालेल्यामध्ये चंद्रपूर येथील 1 पुरुष तर ब्रम्हपुरी शहरातील 1 महिला व 1 पुरुषाचा समावेश आहे.

जिल्ह्यात आतापर्यंत एकूण बाधितांची संख्या 98 हजार 512 वर पोहोचली आहे. तसेच सुरवातीपासून आतापर्यंत बरे झालेल्यांची संख्या 96 हजार 109 झाली आहे. सध्या 843 बाधितांवर उपचार सुरू आहेत. आतापर्यंत 8 लाख 53 हजार 786 नमुन्यांची तपासणी करण्यात आली असून त्यापैकी 7 लाख 53 हजार 757 नमुने निगेटीव्ह आले आहेत. जिल्ह्यात आतापर्यंत 1560 बाधितांचे मृत्यू झाले आहे.

प्रशासनाचे आवाहन : नागरिकांनी कोरोना पुर्णपणे संपला या मानसिकतेतून बाहेर यावे आणि मास्कचा वापर, वारंवार हात धुणे व सुरक्षीत अंतर राखणे या त्रीसुत्रीचा नियमित वापर करावा, स्वत:ची काळजी घ्यावी तसेच पात्र सर्व नागरिकांनी जवळच्या केंद्रावरून कोरोनाची लस घ्यावी, व प्रशासनाने दिलेल्या सूचनांचे पालन करावे, असे आवाहन जिल्हाधिकारी अजय गुल्हाने यांनी केले आहे.