प्रत्यक्ष अध्ययन वर्ग बंद
जिल्हाधिकारी पवनीत कौर यांच्याकडून आदेश जारी
कोविड प्रतिबंधक उपाययोजनेत जिल्ह्यातील शाळांत इयत्ता पहिली ते आठवा वर्ग दि. 31 जानेवारीपर्यंत प्रत्यक्ष अध्ययन बंद ठेवून, केवळ ऑनलाईन शिक्षण सुरू ठेवण्याचा आदेश जिल्हा आपत्ती व्यवस्थापन प्राधिकरणाच्या अध्यक्ष जिल्हाधिकारी पवनीत कौर यांनी आज जारी केला.
कोविड साथ व ओमायक्रॉन व्हेरिएंटच्या पार्श्वभूमीवर साथ नियंत्रणासाठी हा निर्णय घेण्यात आला. अमरावती महापालिका क्षेत्रातील, तसेच ग्रामीण भागातील सर्व प्रकारच्या शासकीय, निमशासकीय व खासगी शाळांतील इयत्ता पहिली ते आठवीचे वर्ग 31 जानेवारीपर्यंत केवळ ऑनलाईन भरतील.
नववी ते बारावी सुरू; पण नियम बंधनकारक
इयत्ता नववी ते बारावीपर्यंतचे प्रत्यक्ष अध्ययन वर्ग चालू ठेवण्यास परवानगी आहे, तथापि, तिथे कोविड प्रतिबंधक उपायांची काटेकोर अंमलबजावणी होणे बंधनकारक आहे.संपूर्ण अमरावती शहर व जिल्ह्यात हे आदेश दि. 31 जानेवारीपर्यंत लागू आहेत.
